கொல்லிமலை உத்தம சோழர் கால கல்வெட்டு:
இடம் :கொல்லிமலை அறப்பள்ளி ஈசுவரர் கோவில் கருவறை நுழைவாயில் இடப்பக்கம்
அரசு - உத்தம சோழன்.
ஆண்டு - கி.பி.980
கல்வெட்டில் வரும் பெயர் பிரதிகண்டன் சுந்தரசோழன் என்று உள்ளதால்,இக்குறுநிலமன்னர்,சுந்தர சோழன் காலத்தில் பதவி ஏற்றவராக இருக்கலாம்.
தெ.இ.க..தொ 19 274
விளக்கம்:
பிரதிகண்டன் சுந்தர சோழன் என்பவன் திரு அறப்பள்ளி ஈஸ்வரருக்கு கார்த்திகைத் திருவிழாவிற்குச் சாலைப்புறமாகக் (நன்செய் மற்றும் புன்செய் நிலம்) கற்கண்ணுக்கு மேல் குளம் உட்படக் நீர்நிலமான எல்லா நிலத்தையும் கொடையாக அளித்தமை.
கல்வெட்டு :
1. ஸ்வஸ்திஸ்ரீ கேரப்பரகேசரிபந்மற்க்கு செல்ல ஈநின்ற ஆண்டு பத்தாவது
2.ப்ரதி கண்டன் தரச்சோழந் திருவறப்பள்ளி யாழ்வார்க்கு காத்திகை காத்திகைத்
திருவிழாவுக்கு
3. சாலைப்புறமாக (ச்) ச (ய்) த நிலம் (காற் 7) சய் நிலம் கற்கண்ணுக்கு மேல் குளமுள்ப்பட நீர் நிலமாந தெல்லாம் தேவர்க்கு அவ்வூரரோ......
பிரதி கண்டன் சுந்தர சோழன்:-
திருச்செங்கோடு செப்பேட்டில் இவரின் தந்தை பெயர் கொல்லி மழவன் ஒற்றியூரன் பிரதிகண்டன் என குறிப்பிடப்படுகிறார்.அதாவது ஒற்றியூரை சார்ந்த பிரதிகண்டன் எனப்பொருள்.
ஒற்றியூர் என்பது சென்னையிலுள்ள திருஒற்றியூர் ஆகும்.சோழர் காலத்தில் சென்னை பகுதி காஞ்சி மண்டலத்தில் அடங்கும்.
சோழர் காலத்தில் சோழருக்கு அடங்கிய சிற்றரசாக தொண்டை மண்டலத்திலிருந்து(காஞ்சி மண்டலம்) வந்து,கொல்லிமலை மற்றும் அதனை சுற்றிய பகுதிகளை ஒருவர் ஆட்சி செய்துள்ளார்.
நன்றி: சேலம் நாமக்கல் மாவட்ட கல்வெட்டுகள்.
கருத்துகள் இல்லை:
கருத்துரையிடுக