"கல் நாடு சிறுகுட்டியார்" நடுகல்

கல்நாடு சிறுகுட்டியார் நடுகல்:

ஆண்டு - 8 அல்லது 9 ஆம் நூற்றாண்டு

அரசர் : வாணராயர்

விளக்கம் : 

"1.இந்நடுகல் கல்வெட்டு 8-9ஆம் நூற்றாண்டினதாகக் கருதப்படுகிறது. இதில் எந்த வேந்தர் பெயரும் குறிப்பிடாதது அரிமிறைய மாவலி வாணராயர் சுதந்திர ஆட்சியை நடத்தினர் என்று கொள்ள வேண்டியுள்ளது. 

2.அவர் கங்க நாடு (தகடூர்), புறமலைநாடு (அரூர்), கோயினூர்நாடு, கோவூர்நாடு (ஊத்தங்கரை), தாயனூர்நாடு, பற்றநாடு என்று மிக பெரிய நிலப் பரப்பை ஆண்டுள்ளார். 

3.வாணர் குடும்பத்திற்கும் நுளம்பர் குடும்பத்திற்கும் இடையே முன்னம் திருமணம் நிகழ்ந்து நுளம்பன் இவருக்கு அத்தான் உறவாகிப் போனான். அந்த நுளம்பன் அரிமிறைய வாணன் குடும்பத்தில் பெண் எடுத்து மாப்பிள்ளை ஆகிப் போனான். 

4.அந்த உரிமையில் அரிமிறைய வாணனை வஞ்சித்து அவனது நாட்டின் ஒரு பகுதியைத் தனதாக்கிக் கொண்டான் நுளம்பன். இதனால் இருவருக்கும் நிகழ்ந்த போரில் அரிமிறைய வாணன் போரில் இறந்து விடுகிறான். 

5.இவனுடைய மனைவியர் அதன் பின் கருவுற்றிருப்பதை அறிய வர அதற்காக அவர்களைக் காத்து அதில் ஒருத்தி ஆண் பிள்ளை பெற்றவுடன் படையுடன் தகடூரில் புகுந்து நுளம்பன் படையுடன் துணிந்து மோதி இழந்த நாட்டைக் கைப்பற்றினார் படைத்தலைவர் சங்கரக் குட்டியார்.

6.அவருடன் இணைந்து தகடூரில் படையோடு புகுந்து வீரச்சாவடைந்தார் கல் நாட்டைச் சேர்ந்த நாகந்தை சிறு குட்டியார்."

கல்வெட்டு:

"ஸ்வஸ்திஸ்ரீ அரிமிதைய மாவலி வாணராயர் 

கங்கநாடும் புறமலைநாடும் கோயினூர்நாடும்

 கோவூர்நாடும் தாயனூர்நாடும் பற்றநாடும் ம _ _ _ 

அவர்க்குத் தாநாகிப் பிள்ளைய் கொண்டுள்

புகுந்து வஞ்சித்து நாடு கொண்டானுளம்பன்.

அவர் போரிற் றுஞ்சின பின்னைத் தேவிமார்

கருப்பிணியருளராக அவகளைக் காத்திருந்

தாண் பிள்ளைப் பெறுவதுந் தகடூர் புகுந்து

நுளம்பன் பலத்தோடே துணிந்து நாடு பாவி

நார் சங்கரகுட்டியார் . அவரோடுடன்

புகுந்து தகடூரில் பட்டார் நாகந்தை 

சிறு குட்டியார் கல்நாடு."

  

தாநாகி – அத்தானாகி; 

பலத்தோடு – படையுடன்; 

நாடுபாவி – நாடுவிரித்து, ஆக்கிரமித்து; பட்டான் – வீரசாவடைந்தான்; 

தகடூர் - தருமபுரி,

புறமலை நாடு -அரூர் சுற்றுவட்டார பகுதி,

கல்நாடு – கல்வராயன் மலை.

*கல்நாடு என்பது இறந்தவருக்கு கொடுத்த நிலமாக இருக்கலாம் என்பது ஆய்வாளர் கருத்து.ஆனால் பாப்பிரெட்டிப்பட்டி வட்டம் மோட்டுப்பட்டி கல்வெட்டில் கன்னாடு அல்லது கல்நாடு என்பது கல்வராயன் மலையை குறிக்கிறது.

*கல்நாடு என்னும் ஊர் அரூர் வட்டத்தில் உள்ள தேனாண்டை மலையில்(சித்தேரி மலை) உள்ளது.

*இந்த கல்நாட்டை ஆட்சி செய்தவர்கள் கல்லரையர்கள் அல்லது கல்ராயர்கள் எனப்பட்டனர்.இவர்களுக்கு வாணவரையர் என்னும் பெயரும் அரையர் எனும் பெயரும் உண்டு.

*இதே கால வாணராயர் கல்வெட்டு கொல்லிமலையில் வாசலூர் சிவன் கோவிலில் உண்டு.

*முதலாம் மகேந்திர நுளம்பன் தான் அரிமிறைய வாணனை வஞ்சித்து நாடு கவர்ந்தான் என்று கொள்ளப்படுகிறது. தமிழகத்தில் இவர்களது அதிகாரம் பல்லவரால் ஏற்பட்டது.

குறிப்பு:

கல்வராயன் மலை மற்றும் அதன் அடிவாரம் பகுதியில் காராளர் என்னும் மலையாளி இன மக்கள் வாழ்ந்து வருகின்றனர்.

கல்வெட்டுகளில் இவர்கள் மலையாளர்,மலையாழ்வான்,மலையாள முதலி,பிள்ளை முதலி 

என்றும்.காராளர்,காராள முதலி,காராளக் கவுண்டர்,மலையாளக் கவுண்டர்,மலைக் கவுண்டர்,மலை வெள்ளாளர்,மலையாளி எனப் பிறப் பெயர்களால் அறியப்படுகின்றனர்.

பார்வை நூல்: 

கல்வெட்டியல்,பக்கம் -132,

தமிழ்நாட்டு தொல்லியல் துறை வெளியீடு.

வாணராயர் கல்வெட்டு,கொல்லிமலை.

கொல்லிமலை வாணராயர் கல்வெட்டு:

இடம் :

வாசலூர், (கொல்லிமலை) இடிந்த நிலையில் உள்ள சிவன் கோவில் கருவறை நிலைக் கால்கள்.

அரசன் : வாணராயன்

காலம் : கி.பி. 9 ஆம் நூற்றாண்டு.

செய்தி :-

பறிவை ஊரில் வாழும் "வாணராயன் அரைய நாடன் மற்றும் வாணராயன் மல்ல நக்கன்" ஆகியோர் தானம் அளிக்க,அதைப் பெற்றுக்கொண்டு வாயலூர் ஊரில் வாழும் "கவிசிகன் களிங்களியன்" விளக்கு வைத்த செய்தியோ அல்லது பூசை செய்த செய்தியாகவோ இருக்கலாம்.

கல்வெட்டு சரியாக முற்றுப் பெறவில்லை.

*வாணராயர் ஆட்சி கங்கநாடு,கல்வராயன் மலை மற்றும் கொல்லிமலை வரை பரவியிருந்தது என தெரிய வருகிறது.

*இந்த அரச மரபினர் இன்றும் கல்வராயன் மலை மற்றும் கொல்லிமலையில் "அரையன்" அல்லது "அரசன்" என்னும் பெயரில் உள்ளனர்.

(ஆனால் இன்று இவர்கள் வரலாறு புரிதல் இல்லாமல் இருக்கின்றனர்)

*இக்கோவில் நிலைக்கால்களில் உள்ள எழுத்தமைதிப்படி கி.பி. 9 ஆம் நூற்றாண்டில் கட்டப்பட்டிருத்தல் வேண்டும் எனலாம்.

*கல்வெட்டில் குறிக்கப்படும் வாயலூர் தற்பொழுது இக்கோவில் உள்ள வாசலூராக இருத்தல் வேண்டும். 

*பறிவை எனக் குறிக்கப்படும் மற்றொரு ஊர் கொல்லி மலையில் அரப்பளீஸ்வரர் கோவில் அருகில் பரியூர் என தற்பொழுது வழங்கப்படுகிறது. 

*அரைய நாடு என்பது இன்றைய அரியூர் நாடு ஆகும்.

*வாசலூர் அருகில் பெருங்கற்கால ஈமச் சின்னங்களும் சோழர் கால சமணர் கோவில் ஒன்றும் உள்ளன.

கல்வெட்டு:-

வடக்கு நிலைக்கால்

1.வாய

2. லூர் வா-

3. ழும் கவி-

4. சிகன்

5, களிங்

6. களிய-

7.ன் 

8. பறி-

9. வை வா-

10. ழும் வா-

11. ணராச-

12. அரைய

13. நாடன்

14. வாயலூர்

15.........

கீழ்பகுதி மண்ணில் மரத்தின் அடியில் புதைந்துள்ளது.

தெற்கு நிலைக்கால்

1. பறிவை

2. வாழும்

3. வாண

4. ராசன்

5. மல்ல

6. நக்கன்

7. வாய

8. லூர் வா-

9. ழும் க

10. விசிக

கீழ்ப்பகுதி மரத்தின் அடியில் புதைந்துள்ளது.

குறிப்பு:

கொல்லிமலையில் காராளர் என்னும் மலையாளி இன மக்கள் வாழ்ந்து வருகின்றனர்.

கல்வெட்டுகளில் இவர்கள் மலையாளர்,மலையாழ்வான்,மலையாள முதலி,பிள்ளை முதலி 

என்றும்.காராளர்,காராள முதலி,காராளக் கவுண்டர்,மலையாளக் கவுண்டர்,மலையாளி எனப் பிறப் பெயர்களால் அறியப்படுகின்றனர்.

நன்றி : ஆவணம் 19, 2008

மலையாழ்வான் கல்வெட்டு

கொல்லி மழவன் ஒற்றியூரன் பிரதிகண்டன் செப்பேடு (கி.பி.962)

கொல்லி மழவன் பிரதிகண்டன் செப்பேடு:

அரசன்: சுந்தர சோழர்

சிற்றரசர் : ஒற்றியூரன் கொல்லி மழவன் பிரதிகண்டன்

ஆண்டு : கி.பி.962

விளக்கம்:-

1.சோழ மன்னர் ராஜகேசரிவர்மர் சுந்தரசோழன் மன்னனின் ஆட்சியின் ஐந்தாம் ஆண்டில்,தொண்டை மண்டலம் ஒற்றியூரிலிருந்து (திருவொற்றியூர்) வந்து சோழருக்கு அடங்கிய சிற்றரசாக கொல்லிமலையும் அதன் சுற்றிய பகுதிகளையும் ஆண்ட மன்னன் "ஒற்றியூரன் கொல்லிமழவன் பிரதிகண்டன்" என்பவர்,அவர் நாட்டு பகுதியிலுள்ள தூசியூர் திரு மூலட்டானேஷ்வரர் என்ற சிவன் கடவுளுக்கு வழங்கிய நிலதானமும் அதன் எல்லைகளும்.

(கொல்லிமலையில் வசிக்கும் மலையாளி என்கிற "காராளர்" இன மக்களும் காஞ்சிபுரத்திலிருந்து(தொண்டை மண்டலம்)  வந்ததாக கூறுகிறார்கள்)

(இந்த பிரதிகண்டனும் காராளர் இனத்தை சார்ந்தவராக இருக்கலாம்.)

(தூசியூர் -நாமக்கலுக்கு அருகிலுள்ள தூசூராக இருக்கலாம்)

2. கிழக்கு எல்லை - பிடரியார் அமைச்சிக்கும் மற்றும் பூனாற்று அணைக்குச் சொந்தமான நிலத்திற்கு மேற்கே அமைந்துள்ளது.

3.தெற்கு எல்லை - திருப்பாறையின் கிழக்குப் பக்கத்தில் உள்ள பெரிய மலைத்தொடர் மற்றும் கன்னாடு ஆகியவற்றிற்கு வடக்கிலும், அதே திருப்பாறையின் மேற்கு,கன்னாட்டுக்கும் பெரியவரம்பிற்கு வடக்கிலும் அமைந்துள்ளது.

4.மேற்கு எல்லை - சூளை குளமான காந்தளேரிக்கும்,தான்தோன்றிபிரான் கோவில் தூசியூரின் தெற்கு நுழைவாயிலிலிருந்து தெற்காகச் செல்லும் பெருவழிக்கு(நெடுஞ்சாலை) கிழக்கிலும் அமைந்துள்ளது; 

5.வடக்கு எல்லை - தூசியூர் பழவூர்க்கு தெற்கும், தாமரைக் குளமும், இந்தக் குளத்தின் நிர்கோவை (அதாவது, நீரால் சூழப்பட்ட நிலம்),மற்றும் கற்றளி ஏரி என்ற புதுக்குளமும், இக் குளத்தின் நீர்கோவையும்(குளம் சுற்றியுள்ள நிலப்பகுதி) ஆகியவற்றுடன் அமைந்துள்ளது.

5.மேலும்,இந்தக் குளத்தின் கீழுள்ள நிலங்களின் எல்லைகள் பின்வருமாறு:

 கிழக்கு எல்லை கன்னாட்டுக்கு மேற்கிலும், தெற்கு எல்லை கட்டிநாகன் கூவல் இட்டர் எனப்படும் குறுக்குப்பாதைக்கு அல்லது ஆழமற்ற கிணத்திற்கு வடக்கிலும்,மேற்கு எல்லை முக்கறுக்காவிற்கு கிழக்கிலும், வடக்கு எல்லை குளத்திற்குத் தெற்கிலும் அமைந்துள்ளன.இவற்றில் கணவதி நல்லூர் என்கிற அமண்குடியும்,அந்த கிராமத்திற்குச் சொந்தமான நன்செய்,புன்செய் நிலங்களும் அடங்கும்.

6.கொல்லிமழவன் ஒற்றியூரன் பிரதிகண்டவர்மனான நான்,தூசியூரில் உள்ள கற்கோவில் திருமூலட்டானேஷ்வரர் கடவுளுக்கு,கணவதிநல்லூர் என்ற அமண்குடியை எல்லை வகுத்து கல் நாட்டி வழங்கினேன். 

7.தூசியூரில் உள்ள கற்கோவில் திருமூலட்டானேஷ்வரர் கடவுளுக்கும், அவருக்கு ஐந்து பெரும் ஒலிகளை எழுப்பும் மேளக்காரர்களுக்கும் (உவச்சர்), கணவதிநல்லூர் என்ற அமன்குடியை வழங்கினேன். இந்தத் தானத்தைப் பாதுகாப்பவனின் திருவடிகள் என் தலையில் இருக்கும். இதற்கு எதிராகச் செயல்படுபவன், தவறாமல் ஏழு பிறவிகளில் சந்ததியை இழப்பான்.

கல்வெட்டு:-

முதல் தட்டு: முதல் பக்கம்.

1.ஸ்வஷ்திஶ்ரீ 

2.கொவிராஜகெசரி யிவது (ர்க்*] க-வுத் திருவெழுத்தி-

3.(ருவெழுத்தி)ட்டுச் செல்லாநின்ற யாண்டு அஞ்சாவது இவ்வ[*]ண்டு கொல்-

4.விமழவன் ஒற்றியூரன் பிரதிகண்ட[வ]னென் என்னாட்டுத் தூசியூர்-

5.த் தென்புலத் தூநிலம் கிழக்கெல்லை பிடாரியா [ர்*] நிலத்துக்கும்

6.அமைச்சிரும் பூநாற்றி அணைக்கு[ம்*] மெக்கும் தெற்க்கெல்லை திருப்பா-

7 றைக்குக் கிழக்குக் கன்னாட்டுக்கும் பெருவாம்புக்கும் வடக்கும் திரு-

8.ப்ப[] றைக்கு மெக்கு கன்னாட்டுக்கும் பெருவாம்புக்கும் வடக்கும் மெ-

9.க்கெல்லை சூளைகுளமான காந்தளெரிக்குத் தான்றொன் திப்பிரான் கொ-

முதல் தட்டு: இரண்டாவது பக்கம்.

10 யிலுந் தூசியூர்த் தென்வாய் வாயிலினின்று தெற்க்கு நொக்கிப்

11 (ப்) பொன பெருவழிக்கும் கிழக்கும் வடக்கெல்லை தூசியூருப் பழவூர்.

12 க்குத் தெற்க்கும் தாமரைக்குளமும் இக்குளத்தால் நிர்கொவை

13 யும் இசுடுபிவிரன் ஊருமியும் கற்றளியெரியான புதுக்குள-

14 மும் இக்குளத்து நிர்கொவையும் இக்குளக்கிழெ-

15 ல்லையாவது கிழக்கெல்லை கன்னாட்டுக்கு மெக்குக்

16. தெற்க்கெல்லை கட்டிநாகன்கூவ விட்டெர்க்கு வடக்கு மெக்(கெ*]

17 ல்லை மூக்குஅகாவிற்க்கு கிழக்கும் வடக்கெல்லை எரிக்கு-

18 க் தெற்க்கும் கணவதிநல்லூரான அமண்குடியும் அவ்வூ-

19 ர் நன்புலமும் செப்புலமும் இவ்விசைத்த பெருநான்-

இரண்டாவது தட்டு: முதல் பக்கம்.

20 ()ெகெல்லையி னிலம் மெனொக்கின மாமும் கீழ்-

21 நொக்கின கிணறும் புற்று முடக்குறையும் உடும்பொடியா-

22 மை தவழ்ந்தது எப்பெர்ப்பட்ட நிலமும் தூசியூர்-

23 த் திருக்கற்றளி திருமுலஷானமுடைய பரேெஹார்க்-

24 கு உஉமவடுவஞ் செய்து எல்லையுங் கல்-

25 அந் தெரித்துக் குடுத்தென் கொல்லிமழவ-

26 ன் ஒற்றியூரன் பிரதிகண்டவது னென்(*] கணவ-

27 திநல்லூர்) ரான அமண்குடி காசியூர் திருமூலட்டானம் -

28 உடைய வரைெஹரர்க்கு உஉகவ-அலுகம் சைய்துகு-

இரண்டாவது தட்டு: இரண்டாவது பக்கம்,

29 டுத்தென் ஒற்றியூரன் பிரதிகண்டபன்-

30 மனென் காசியூர் கிருமூலட்டான (ர) முடைய ப

31 மௌரருந் தமக்கு பஞ்சமானுழ கொட்-

32 டுகின்ற உவச்சகளுக்கு கணவதிகல்லூ(ர்) சான

33 அமண்குடி உஉகபூது ஞ் செய்துகுடுத்தெ-

34 திரு க்* ] கற்றளிஉடைய பாமௌார்(க்கு"] [*] இதனை இ-

35 ரக்ஷிப்பான் ஸ்ரீபாடி மென் தலைமெல்ன [*] இதிற-

36 க்கினான் வழி யெழெச்ச மொழியாம லறுவான் (j*]

மூன்றாவது தட்டு: முதல் பக்கம்.

37 கொல்லிமழவன் ஒற்றியூரன் பிரநிகண்டவன்மனென் தூசி.

38 யூர் தெவகிலம் பழந்தெவதானம் (சூ]னைகுள(ம்)ம [*] ன காந்தளெ

39 ரிக் குளத்தின்கீழ் திருப்பாறைக்கு தெற்க்கு பிரமதெய் (ம்*] []ெ சய்தமை-

40 யில் அக்நிலத்துக்கு நிலம் கழாறு []] இதுக்கு எல்லை சிறுகரைக்கு

41 மெக்கு பள்ளிச்சந்த[த்* ] துக்கு வடக்கும் அமச்சிக்கு கிழ-

42 க்கும் கல்லொடணைக்கு[ம் ] குசவன்கழனிக்கு[ம்] தெற்க்கு-

43 [ம்] [1] இந்த [ச] ன்கு என் எல்லை நிலம் நிலத்துக்கு நிலம் குடுத்தேன்.

குறிப்பு:-

*இந்தப் "ஒற்றியூரன் பிரதிகண்டன்" மன்னர்கள் தொண்டை மண்டலத்திலுள்ள திரு ஒற்றியூரை பூர்வீகமாக கொண்டவர்கள்.சோழர்களின் படை தளபதிகள்.

*கொல்லிமலை காராளர் (மலையாளி) மக்களும் தங்களது பூர்வீகம் காஞ்சிபுரம் (தொண்டை மண்டலம்) என்கிறார்கள்.எனவே இந்த பிரதிகண்டனும் காராளர் இனத்தை சார்ந்தவராக இருக்க வேண்டும்.

*இவர்களுக்கு கீழ் கொல்லிமலை காராளர்(மலையாளி) மக்கள் போர்வீரர்களாக இருந்திருக்க வேண்டும்.

*சோழருக்கு அடங்கிய சிற்றரசாக கொல்லிமலையையும் அதன் சுற்றியுள்ள பகுதியையும் ஆட்சி செய்தவர்கள்.ஆதலால் இவர்கள் "கொல்லி மழவன்" என்ற பட்டம் கொண்டவர்கள்.

*கோவை பேரூர் கல்வெட்டு ஒன்றில் "மலை ராச்சியத்திலிருந்து வந்து பேரூர் பகுதியை ஆட்சி செய்தவர்களில் "மழவரையர்" பட்டம் கொண்டவர்களும் உண்டு".

(https://karalarmani.blogspot.com/2026/06/blog-post_13.html)

*கோவை மாவட்ட கல்வெட்டுகளில் "வெள்ளாளர் மாடைகளில் மழவரையர்" ஒருவர் காணப்படுகிறார்.

*சேர்வராயன் மலை கோவிலூர் வாணீஷ்வரர் கோவில் கல்வெட்டுகளில் கற்கட மாராயர் "முதலிகளில் மழவரையர்" ஒருவர் காணப்படுகிறார்.

நன்றி:-

SOUTH INDIAN INSCRIPTIONS.VOL III

(தென்னிந்திய கல்வெட்டுகள். தகுதி -3)

பக்கம் எண் - 478,479.

இந்திய பொது பதிவாளர் (RGI) பழங்குடி சான்றிதழ் அறிக்கை.

பழங்குடி அமைச்சகம் சுற்றறிக்கை:

பழங்குடியினர்  அமைச்சகம் (MTA - Ministery of Tribal Affairs), ஆணையத்தின் ஆலோசனைகளுக்காகப் பின்வரும் முன்மொழிவுகளைப் பரிந்துரைத்துள்ளது.

அ.தமிழ்நாட்டின் பட்டியல் பழங்குடியினர் பட்டியலில் "மலையாளி கவுண்டரை" எந்தப் பகுதி கட்டுப்பாடுமின்றிச் சேர்த்தல்.

i) தமிழ்நாட்டின் பட்டியல் பழங்குடியினர் பட்டியலில் 'மலையாளி கவுண்டரை' எந்தப் பகுதி கட்டுப்பாடுமின்றிச் சேர்ப்பதற்குத் தமிழ்நாடு அரசு பரிந்துரைத்துள்ளது.

ii). தற்போது 'மலையாளி' சமூகம் தமிழ்நாட்டின் பட்டியல் பழங்குடியினர் பட்டியலில் வரிசை எண் 25-இல் (தர்மபுரி, வட ஆற்காடு, புதுக்கோட்டை, சேலம், தென் ஆற்காடு மற்றும் திருச்சிராப்பள்ளி மாவட்டங்களில் மட்டும்) சேர்க்கப்பட்டுள்ளது.

iii). செயலாளர், பழங்குடியினர் நலத்துறை, அரசு. தமிழ்நாடு அரசு,ஈரோடு மலையாளி சமூகத்தினரை தமிழ்நாட்டின் பழங்குடியினர் பட்டியலில் சேர்க்குமாறு, பழங்குடியினர் விவகாரங்கள் அமைச்சகத்திற்கு 07.11.2006 தேதியிட்ட கடிதம் மூலம் முன்னதாகவே கோரிக்கை விடுத்திருந்தது. 

ஈரோடு மாவட்டத்தில் சத்தியமங்கலம் மற்றும் பவானி ஆகிய இரண்டு தாலுக்காக்களில் மட்டுமே மலையாளி பழங்குடியினர் குடியிருப்புகள் இருப்பதாக அதில் குறிப்பிடப்பட்டிருந்தது.

ஈரோடு மாவட்டத்தில் உள்ள மலையாளி குடும்பங்களின் மொத்த எண்ணிக்கை 2875 ஆகும். இந்த விவகாரம், பழங்குடியினர் விவகாரங்கள் அமைச்சகத்தால் பரிந்துரைக்காக இந்தியப் பிராந்தியப் பதிவகத்திற்கு (RGI) அனுப்பப்பட்டது. இந்தியப் பிராந்தியப் பதிவளர் (RGI), 12.01.2007 தேதியிட்ட தனது கடிதத்தில், மற்றவற்றுடன் பின்வருமாறு குறிப்பிட்டிருந்தது.

பழங்குடி மலையாளிகள் தங்கள் அடையாளத்தை காராளர் அல்லது காராளர் கவுண்டர் என்று குறிப்பிட விரும்புவதாகவும், அதே சமயம் அண்டை வீட்டார் அவர்களை மலையாளி கவுண்டர் அல்லது சாதாரண மலையாளிகள் என்று அழைப்பதாகவும் கூறப்பட்டிருந்தது. 

இதற்காக, தமிழ்நாட்டின் பழங்குடியினர் பட்டியலில் மலையாளி என்பதற்குப் பதிலாக காராளர்/காராளர் கவுண்டர்/மலையாளி கவுண்டர் என்று மாற்றுவதற்கு ஒரு திருத்தம் பரிந்துரைக்கப்பட்டது. 

லோகூர் குழு 1965 ஆம் ஆண்டு,மலையாளி என்பதற்குப் பதிலாக மலையாளி கவுண்டர் என்று மாற்றுவதோடு, பகுதி கட்டுப்பாட்டையும் நீக்குமாறு பரிந்துரைத்திருந்தது. 

கூட்டுக் குழு 1967 ஆம் ஆண்டு மலையாளி என்ற பதிவை 'மலக்காரன், மலையாளி' என்று மாற்றுமாறு பரிந்துரைத்திருந்தது. 

ஆனால்,மாநில அரசின் ஆய்வறிக்கையும், உள்ளூர் மட்டத்தில் மலையாளிகள் மற்றவர்களால் 'மலை வெள்ளாளர்' மற்றும் 'மலையாளி கவுண்டர்' என்று குறிப்பிடப்படுவதாகக் கூறுகிறது. 

மேலும் அந்த அறிக்கையின்படி, திருவண்ணாமலை மாவட்டத்தின் ஜவ்வாது மலைப்பகுதிகளில் உள்ள மலையாளிகள் காராளர் கவுண்டர் என்ற சொல்லால் அறியப்படுகிறார்கள்.

 ஈரோட்டின் தற்கால மலையாளிகளைப் பற்றிய கிடைக்கப்பெறும் இனவரைவியல் தகவல்கள், எங்களது முந்தைய கருத்துக்களில் வெளிப்படுத்தப்பட்ட (காராளர்/காராளர் கவுண்டர்) கருத்துக்களை ஆதரிக்கின்றன. 

முந்தைய கருத்துக்களில் நாங்கள் தெரிவித்த அதே கருத்தையே இப்போதும் கொண்டுள்ளோம். மேலும், தமிழ்நாட்டின் பழங்குடியினர் பட்டியலில் 'மலையாளி' என்பதற்குப் பதிலாக காராளர் / காராளர் கவுண்டர், மலையாளி கவுண்டர்' என ஒரு திருத்தத்தைப் பரிந்துரைக்கிறோம். அத்தகைய திருத்தத்திற்குப் பிறகு, தமிழ்நாட்டில் மலையாளிகளுக்கான தற்போதைய பகுதி கட்டுப்பாடு தளர்த்தப்பட்டு, ஈரோடு மாவட்டத்தையும் உள்ளடக்கலாம்.

iv). பொது பதிவாளர் (RGI-Register General of India) யின் மேற்கண்ட கருத்துக்கள், விளக்கத்திற்காக MTA-ஆல் தமிழ்நாடு மாநில அரசுக்கு அனுப்பப்பட்டன. தமிழ்நாடு மாநில அரசு, தங்களது 20-6-07 தேதியிட்ட கடிதத்தின் மூலம், 'மலையாளி' அல்லது 'மலையாளி கவுண்டர்' சமூகத்தினரை எந்தப் பகுதி கட்டுப்பாடுமின்றி தமிழ்நாட்டின் பழங்குடியினர் பட்டியலில் சேர்க்கப் பரிந்துரைத்து, அதற்கான விளக்கத்தை அளித்துள்ளது. இது மீண்டும் RGI அலுவலகத்தின் கருத்துக்காக அனுப்பப்பட்டது.

v). இந்த முன்மொழிவு, 23.06.2008 அன்று தலைவரால் அவரது அறையில் கூட்டப்பட்ட அவசரக் கூட்டத்தில் விவாதிக்கப்பட்டது. இக்கூட்டத்தில் துணைத் தலைவர் மற்றும் ஆணையத்தின் இரு உறுப்பினர்களும் கலந்துகொண்டனர். தற்போதுள்ள, பகுதி சார்ந்த " மலையாளி" என்ற பெயருக்குப் பதிலாக, தமிழ்நாடு மாநிலத்திற்கான பழங்குடியினர் பட்டியலில் "மலையாளி கவுண்டர்" என்பதை எந்தப் பகுதி கட்டுப்பாடுமின்றிச் சேர்ப்பதற்கான, இந்தியப் பதிவாளர் ஜெனரல் அலுவலகத்தின் முறையான ஆதரவுடன் தமிழ்நாடு மாநில அரசின் முன்மொழிவை ஏற்க ஒருமனதாக ஒப்புக்கொள்ளப்பட்டது.

நன்றி :

https://www.yumpu.com/en/document/view/42597792/iiia-national-commission-for-scheduled-tribes-ncst

மலையாளி கவுண்டர் பெயரை சேர்க்கக் கூடாது என மனு

"மலையாளி கவுண்டர்" என சாதி சான்றிதழ் கொடுக்க கூடாது என மனு:

நாள் : 28.05.2016

பெறுதல் :

1. தலைமை செயலாளர் அவர்கள்,

தமிழ்நாடு அரசு,

சென்னை.

2. அரசு செயலாளர் அவர்கள்,

ஆதிதிராவிடர் மற்றும் பழங்குடியினர் நலத்துறை,

தமிழ்நாடு அரசு,

சென்னை.

3. மாவட்ட ஆட்சித்தலைவர் அவர்கள்,

ஈரோடு மாவட்டம்.

பொருள் : மலையாளி கவுண்டர்கள் - பழங்குடியினர் பட்டியலில் சேர்ப்பு / ஈரோடு மாவட்ட மலையாளிகளுக்கு பழங்குடியின அங்கீகாரம் / மைய அரசின் அமைச்சரவை முடிவு / தமிழக அரசின் தலையீடு கோருதல்.

அன்புடையீர், வணக்கம்.

*தமிழகத்தில் பெரும் எண்ணிக்கையில் வாழும் பழங்குடியினர் மலையாளி இனத்தவர் ஆவர்.

*தமிழக பழங்குடியினர் பட்டியலில் வரிசை எண்: 25-ல், மலையாளி இனத்தவர் - தர்மபுரி, வேலூர், புதுக்கோட்டை, சேலம், நாமக்கல், கடலூர், திருச்சி, கரூர், பெரம்பலூர் ஆகிய மாவட்டங்களில் உள்ளவர்கள் இடம் பெற்றுள்ளார்கள்.

*ஆனால், ஈரோடு மாவட்டத்தில் அந்தியூர், சத்தியமங்கலம் வருவாய் வட்டத்தில் கடம்பூர், பர்கூர் மலைப்பகுதிகளில் சுமார் 50 கிராமங்களில் 25 ஆயிரத்திற்கும் மேற்பட்ட மலையாளி இன மக்கள் வசித்து வருகிறார்கள். ஈரோடு மாவட்டம், பழங்குடியினர் பட்டியலில் குறிப்பிடப்படாததால், கடம்பூர், பர்கூர் மலையாளி இன மக்கள் பழங்குடி இனச்சான்றை பெறமுடியவில்லை.

*இதனால், இம்மக்களின் சமூக, பொருளாதார, கல்வி வாய்ப்புகள் பெருமளவு பாதிக்கப்பட்டது. மாணவர் விடுதிகளில் கூட தங்கி படிக்கும் வாய்ப்பு இவர்களுக்கு மறுக்கப்பட்டது. ஈரோடு மாவட்ட மலையாளி இன மக்களை பழங்குடியினர் பட்டியலில் சேர்க்க வேண்டும் என பல்லாண்டு காலம் பல்வேறு அமைப்பினரும் அரசினை வலியுறுத்தி வந்தார்கள்.

*நானும் சட்ட பேரவையில் பேசும் போது பலமுறை இக்கோரிக்கையினை வலியுறுத்தியுள்ளேன். பேரவையில் இது குறித்து கேள்வியும் எழுப்பியுள்ளேன். துறைச் செயலர்கள், தலைமை செயலாளர், அமைச்சர், முதல்வர் ஆகியோரிடம் நேரில் வலியுறுத்தியும் உள்ளேன்.

*தமிழக அரசு, ஈரோடு மாவட்ட மலையாளி இன மக்களை பழங்குடியினர் பட்டியலில் சேர்க்க வேண்டும் என மைய அரசிற்கு பரிந்துரையும் செய்துள்ளது. உதகையில் உள்ள பழங்குடியினர் ஆய்வு மையமும், சென்னை பல்கலைக்கழக மானுடவியல் துறையும் ஈரோடு மாவட்ட மலையாளி இன மக்கள் பழங்குடியினர் தான் என்பதற்கான ஆய்வினையும் மேற்கொண்டு பரிந்துரைத்துள்ளார்கள்.

*இந்நிலையில் கடந்த வாரம் மத்திய அமைச்சரவை "மலையாளி கவுண்டர்" இனத்தினை பழங்குடியினர் பட்டியலில் சேர்க்க முடிவு செய்துள்ளதாக பத்திரிக்கை செய்திகள் தெரிவித்துள்ளன. தமிழகத்தில் எப்பகுதியில் இருந்தும் இப்படி ஒரு கோரிக்கை எழுப்பப்பட்டதாகவே தெரியவில்லை. 

*மேலும் மலையாளி கவுண்டர் என்று குறிப்பிடப்படும் பிரிவு மக்கள் எங்கும் வாழ்வதாகவும் தெரியவில்லை. பழங்குடியினர் சாதி பிரிவிற்கு அப்பாற்பட்டவர்கள். அவர்களுக்கு கவுண்டர் என்னும் சாதி அடையாளத்தை குறிப்பது பொருத்தமாகவும் இல்லை. 

*மைய அரசு எப்படி இது போன்ற முடிவிற்கு வந்தது என்பது தெரியவில்லை. ஈரோடு மாவட்ட மலையாளி இன மக்களை பழங்குடியினர் பட்டியலில் சேர்க்க வேண்டும் என்பது தான் மலையாளி இன மக்களை பொறுத்த அளவில் ஒரே கோரிக்கையாகும். இதற்கு ஏற்கனவே தமிழக பட்டியலில் உள்ள பகுதி வரையறையை (AREA RESTRICTION) நீக்கினாலே போதுமானதாகும். மைய அரசின் முடிவு குழப்பத்திற்கு தான் வழிகோலியுள்ளது.

*நீண்ட காலம் பழங்குடியினர் பட்டியலில் சேர்க்கப்படுவோம் என்ற எதிர்பார்ப்பில் இருந்த ஈரோடு மாவட்ட மலையாளி இன மக்கள் அதிர்ச்சிக்கும், ஏமாற்றத்திற்கும் உள்ளாகியுள்ளார்கள்.

*இதுகுறித்து தமிழக அரசு, மத்திய அரசு தாக்கல் செய்யவுள்ள வரைவு மசோதாவில் கவனம் செலுத்தி உரிய திருத்தங்களுக்கு பரிந்துரைத்து ஏற்பட்டுள்ள குழப்பத்தை தீர்த்து, ஈரோடு மாவட்ட மலையாளி இன மக்களை பழங்குடியினர் பட்டியலில் சேர்த்திட உரிய ஏற்பாடுகளை செய்ய வேண்டும் என வலியுறுத்துகிறேன்.

இப்படிக்கு,

(பி.எல்.சுந்தரம்)

முன்னாள் சட்டமன்ற உறுப்பினர்,

பவானிசாகர் சட்டமன்ற தொகுதி.

 நன்றி :

The Times Tamil

https://timestamil.wordpress.com/2016/05/30/

கண்டராதித்த சோழர் பள்ளிப்படை கோவில்,கொல்லிமலை

கண்டராதித்த சோழர் பள்ளிப்படை கோவில்,கொல்லிமலை:

இடம்:

மேல் கலிங்கம்,

அரியூர் நாடு,

கொல்லிமலை.

பள்ளிப்படை கோவில்:-

*"கண்டராதித்தர் சோழர்" ஒரு சிறந்த சிவன் பக்தர்.இவர் ஆறு ஆண்டுகளே (கி.பி.950 - 956) ஆட்சிப் புரிந்தார்.

*இவருக்கு "சோழமுடையார்" என்னும் பெயரும் உண்டு.

*இவரைப்பற்றிய கல்வெட்டுகள் "மேற்கு துஞ்சிய தேவர்"(மேற்கு இறந்த தேவர்) என்று கூறுகிறது.

*இருந்தாலும் இவர் பள்ளிப்படை(சமாதி) கோவில் எங்குள்ளது என்று யாருக்கும் தெரியாமல் இருந்தது.

*வரலாற்று ஆசிரியர் எஸ்.ஆர்.பாலசுப்பிரமணியம் ஐயா அவர்கள் தான் கொல்லிமலையில் இருக்கும் பள்ளிப்படை கோவிலை ஆய்வு செய்து கண்டறிந்தார்.

அவர் ஆய்வுக்கு எடுத்துக்கொண்ட கருத்துக்கள்:

1. கண்டராத்த சோழருக்கு சோழமுடையார் என்னும் பெயர் உண்டு.கொல்லிமலை கோவிலும் சோழமுடையார் கோவில் என்று மக்களால் அழைக்கப்பட்டு வழக்கில் இருந்துள்ளது.

2.மேற்கு துஞ்சிய தேவர் என்பதிலிருந்து சோழ நாட்டிற்கு மேற்குப் பக்கம் இவர் இறந்துள்ளார் என தெரிகிறது.கொல்லிமலை சோழ நாட்டிற்கு மேற்குப் பக்கத்தில் உள்ளது.

3.பள்ளிப்படை (சமாதி) கோவில்களில் சிவ லிங்கம் மற்றும் நந்தி இரண்டு மட்டும் தான் இருக்கும்.அம்மன்,முருகன் மற்றும் இதர பரிவார தெய்வங்கள் இருக்காது.கொல்லிமலையிலுள்ள கோவிலும் இதற்கு பொருந்தி போகிறது.

4.இந்த சோழரோட மனைவியார் "செம்பியன் மாதேவியார்" இந்த கோவிலுக்கு தானங்கள் அளித்துள்ளார்.

5.மேற்கண்ட கூற்றுகளை வைத்து ஆய்வாளர் இது பள்ளிப்படை கோவில் என முடிவுக்கு வந்துள்ளார்.

காராளக் கவுண்டர்(மலையாளி) குறிப்புகள்

காராளர் (மலையாளி) குறிப்புகள்:-

இனம் - காராளர் 

பிற பெயர்கள் - 

காராள முதலி,மலையாள முதலி,மலையாளக் கவுண்டர், மலைக் கவுண்டர்,மலை வெள்ளாளர்,மலையாண்டி வெள்ளாளர்,மலையாளன்.

பழகுங்குடி பட்டியலில்

சேர்க்கப்பட்ட ஆண்டு -

1956 ஆம் ஆண்டு,காமராசர் ஐயா ஆட்சியில்.

1880 ஆம் ஆண்டுக்கு முன் மக்கள் தொகை கணக்கெடுப்பில் பதியப்பட்ட இம்மக்களின் பெயர் -

கார்காத்த வெள்ளாளர்,காஞ்சி மண்டல வேளாளர்,கொங்கு வேளாளர்.

வாழும் இடங்கள் - 

கல்வராயன் மலை தொடர்ச்சிகள்,ஜவ்வாது மலை,ஏலகிரி மலை,சேர்வராயன் மலை,கொல்லி மலை,பச்சை மலை,பர்கூர் மலை,காளி மலை(காளிங்கன் மலை,கடம்பூர் மலை),பால மலை,வத்தல் மலை, போத மலை,சருகு மலை,சம்பூத்து மலை.மேற்கூறிய மலைகள் சுற்றிய நிலப்பகுதிகள்.

பூர்வீகம் - காஞ்சிபுரம்

மலைக்கு குடியேறிய காரணங்கள் - பஞ்சம்,போர்கள்,மன்னர்களின் வரிசுமை,இஸ்லாமிய மன்னர்களின் படையெடுப்பு.

தொழில் - விவசாயம்

மதம் - வைணவம்,சைவம்

வைணவ தலைமை கடவுள் - 

காஞ்சிபுரம் கரி வரதராஜ பெருமாள் (கரிய பெருமாள்,கரிராமன்)

சைவ தலைமை கடவுள் - திருவண்ணாமலை அண்ணாமலையார் (ஆதி சிவன்,ஆண்டியப்பன்,உடையாரப்பன்) 

ஜவ்வாது மலை பெரிய நாட்டார்(ராஜா):-

காணமலை நாட்டில் வசிக்கிறார்.ஏலகிரி மலையும் இவர் கட்டுப்பாட்டில் இருக்கிறது.

பச்சைமலை பெரிய நாட்டார் (ராஜா) :- தங்கராஜ் கவுண்டர்,சேந்தகம் ஊர்.

கொல்லிமலை பெரிய நாட்டார்(ராஜா):-

1.ஒன்பது நாடுகளுக்கு பட்டகாரர்:

பார்த்திபன் கவுண்டர், செலும்பியன் (செம்பியன்) வீடு,வளப்பூர் நாடு

2. ஐந்து நாடுகளுக்கு பெரிய நாட்டார்:

செல்வராஜ் கவுண்டர், உய்யன் வீடு, மேக்கினிக்காடு கிராமம்.

(ஆதியில் கொல்லிமலை பெரிய நாட்டார் இவர் தான்.இன்று ஐந்து நாடுகளுக்கு மட்டும்)

(பிரக்கரை நாடு,பைல் நாடு,சித்தூர் நாடு,திருப்புலி நாடு,எடப்புலி நாடு)

சேர்வராயன் மற்றும் கல்வராயன் மலை குரு மற்றும் பெரிய நாட்டார்(ராஜா):- குலசேகரன் பட்டம் கொண்ட லட்சுமண கவுண்டர்,தேனாண்டை குலம்,தேனாண்டை மலை(சித்தேரி உள்ளிட்ட மலைகள்),கலசப்பாடி கிராமம்.

(கொல்லிமலை மற்றும் பச்சைமலையின் பெரிய நாட்டார் அல்லது பட்டக்காரர்கள் தேனாண்டை லட்சுமண குருவுக்கு கட்டுப்பட்டவர்கள்.)

(குறிப்பு - குலசேகரன் என்பது பாண்டிய மன்னர்களின் பெயர்களில் ஒன்று)

காராளர் (மலையாளி) வாழும் நாடுகள் (Karalar's (Malaiyali) nadu)

கல்வராயன் மலை:-

01.பெரியகல்ராயன்மலை நாடு:-

அ) கீழ்நாடு,

ஆ) மேல்நாடு

02.சின்னகல்ராயன்மலை நாடு:-

அ) வட நாடு,

ஆ) தென் நாடு

03.அரையக் கவுண்டர் நாடு:- 

அ) கடைய நாடு,

ஆ) கள்ளிப்பாறை நாடு

04.சடையக் கவுண்டர் நாடு:- 

அ)மது நாடு, 

ஆ)சுண்டப்ப நாடு, 

இ)உப்பு நாடு, 

ஈ)உழவு நாடு

05.குரும்பகவுண்டர் நாடு:- 

அ)தும்பை நாடு, 

ஆ) ஆதிப்பதி நாடு, 

இ)தென்மலை நாடு

06.ஏலகிரிமலை:-

07.ஜவ்வாது மலை:- 

பதினெட்டு நாடுகள்.

காணமலை நாடு(பெரிய நாட்டார் வாழும் நாடு),

வீரக்கவுண்டனூர் நாடு,

வீரப்பனூர் நாடு,

தென்மலை அத்திப்பட்டு நாடு,

பாலமரத்தூர் நாடு,

நம்மியம்பட்டு நாடு,

மேல் சிலம்பாடி நாடு,

கோவிலூர் நாடு,

குட்டக்கரை நாடு,

கல்லாத்தூர் நாடு,

நெல்லிவாசல் நாடு,

புதூர் நாடு,

புங்கம்பட்டு நாடு,

குறும்பேரி நாடு,

பீமன் சந்தை நாடு, 

ஜார்தன் கொல்லை நாடு,

பாலம்பட்டு நாடு,

அத்தியூர் நாடு

08.சூரியக்கடை நாடு:-

தேனாண்டை மலையில் (சித்தேரி மலை மற்றும் அதை சுற்றிய பகுதி) உள்ள ஒரு பகுதி

09.பூண்டிய நாடு:-

நம்மங்காடு,நரிப்பள்ளி ஆகிய ஊர்களை சுற்றியுள்ள பகுதி

10.கொல்லிமலை:-

*ஐந்து ஊர் நாடு பட்டகாரர்(பெரிய நாட்டார்) பைல் நாட்டில் வசிக்கிறார். கொல்லி மலைக்கு ஆதி பெரிய நாட்டார் இவர் தான்.இன்று ஐந்து ஊர் நாடுகளுக்கு மட்டும் பெரிய நாட்டாராக உள்ளார்.

மீதி ஒன்பது நாடுகளுக்கும் பட்டகாரர்(பெரிய நாட்டார்) வளப்பூர் நாட்டில் வசிக்கிறார்.

ஐந்து ஊர் நாடுகள் -

அ) பைல் நாடு, 

ஆ) திருப்புலி நாடு,

இ) எடப்புலி நாடு, 

ஈ) பிரக்கரை நாடு,

உ) சித்தூர் நாடு

மூன்று ஊர் நாடுகள் -

அ) ஆலத்தூர் நாடு,

ஆ) குண்டுனி நாடு (காராளர் குடியேறிய முதல் நாடு)

இ) பலாப்பாடி நாடு

நான்கு நாடுகள் மற்றும் மூன்று நாடுகள்:-

அ) திண்ணனூர் நாடு,

ஆ) சேலூர் நாடு,

இ) குண்டூர் நாடு

ஈ) வளப்பூர் நாடு(பட்டகாரர் வாழும் நாடு),

உ) அரியூர் நாடு

ஊ) தேவானூர் நாடு,

11.கருமாண்டை நாடு:-

தருமபுரி சேலம் எல்லையான மஞ்சவாடி கணவாயிலிருந்து,சேலம் மாவட்டம் வலசையூர் வரையிலும் காராளர்(மலையாளி) வாழும் ஊர்கள்.

12.மணிகட்டிகவுண்டர் நாடு. 

13.மலாண்டை நாடு, 

14.தாதகவுண்டர் நாடு 

15.பைத்தூர் நாடு:

சேலம் மாவட்டம் பைத்தூர் சுற்றியுள்ள பகுதிகள்.

16.பச்சமலை:-

அ) அத்தி நாடு,

ஆ) தென்புற நாடு (தென் நாடு)

இ) வன்னாடு (வட நாடு)

ஈ) கோம்பை நாடு

மூன்று பெரிய நாடுகளும் துணை நாடுகளாக பிரிக்கப்பட்டுள்ளது.அவை,

அ) பைத்தூர் நாடு

ஆ) நல்லைய கவுண்டர் நாடு

இ) காளத்தி கவுண்டர் நாடு

ஈ) மண்மலை நாடு

17.காளிமலை நாடு:-

(காளிங்கன் மலை,கடம்பூர் மலை)

ஈரோடு மாவட்டத்தில் உள்ள மலைப்பகுதி

18.பூணாச்சிமலை நாடு:-

வால்பாறை மலைக்கு பூனாட்சி மலை என்று பெயர்.வேலை நிமித்தமாக காராளர்(மலையாளி) மக்கள் குடிபெயர்ந்த பகுதி. 

19.பீட்டகான்மலை நாடு:-

மைசூர் மாவட்ட மலையில் உள்ள பகுதி,வேலை நிமித்தமாக காராளர்(மலையாளி) மக்கள் குடியேறிய பகுதி.

20.வயநாடு:-

கேரளா மாநிலத்தில் உள்ள பகுதி.வேலை நிமித்தமாக காராளர்(மலையாளி) இன மக்கள் குடியேறிய பகுதி.

21.ஆறுகரைநாடு, 

22.சேர்வராயன்மலை:- 

அ) சேல நாடு 

(சேலம் நாடு, செல நாடு)

(சேர்வராயன் மலையில் மேற்கு பகுதி),

ஆ) முக நாடு

(மொக நாடு)

(சேர்வராயன் மலையின் கிழக்கு பகுதியின் வடபாகம்)

இ) முத்து நாடு

(முட்ட நாடு)

(சேர்வராயன் மலையின் கிழக்கு பகுதியின் தென் பாகம்)

23.வத்தல்மலை நாடு

24.எடப்பதடி நாடு

25.மதிப்பகவுண்டர் நாடு:-

சேலம் தருமபுரி எல்லையான மஞ்சவாடி கணவாயிலிருந்து,தருமபுரி மாவட்டம் சாமியாபுரம் கூட்டுரோடு வரையிலும் காராளர்(மலையாளி) இன மக்கள் வாழும் ஊர்கள்.

26.தேனாண்டை மலை:-

(இன்றைய சித்தேரி மலை)

"தேனாண்டை" வீட்டை(குலம்) சார்ந்த "குலசேகரன்" பட்டம் கொண்ட "லட்சுமண குரு" அவர்களுக்கு பாத்தியப்பட்ட பகுதி.

26. போத மலை

(கொல்லிமலை தொடர்ச்சி)

27. கெட மலை

(கொல்லிமலை தொடர்ச்சி)

28.ஜம்பூத்து மலை

(கொல்லிமலை தொடர்ச்சி)

29.சருகு மலை

(கொல்லிமலை தொடர்ச்சி)

30.பர்கூர் மலை

(ஈரோடு மாவட்டம்)

31.பாலமலை

(சேலம் மாவட்டம்)